एनएसडीएलचे बीकेसीत कॉर्पोरेट कार्यालय

एनएसडीएलचे बीकेसीत कॉर्पोरेट कार्यालय
मुंबई, ता. २७ : नॅशनल सिक्युरिटीज डिपॉझिटरी लि. (एनएसडीएल) या भारतातील पहिल्या डिपॉझिटरीने आज बीकेसी येथील आपल्या कॉर्पोरेट कार्यालयाचे उद्घाटन केले.
सेबीच्या अध्यक्ष माधबी पुरी बुच यांच्या हस्ते नवीन कार्यालयाचे उद्घाटन करण्यात आले. सेबीचे पूर्णवेळ सदस्य अश्वनी भाटिया, कमलेश वार्ष्णेय, आय.डी.बी.आय बँकेचे एमडी आणि सीईओ राकेश शर्मा, एन.एस.ई.चे एमडी आणि सीईओ आशीष चौहान आदी मान्यवर या वेळी हजर होते. याप्रसंगी एनएसडीएलने आपल्या तीन नवीन उपक्रमांद्वारे कॉर्पोरेट बाँड्सच्या सुरक्षा आणि देखरेखीसाठी ब्लॉकचेन प्लॅटफॉर्म आणि पर्यायी गुंतवणूक निधी खात्यांसाठी ए-क्यूब एकीकरण सादर केले. या वेळी माधबी पुरी बुच यांनी प्रथम श्रेणी नियामक म्हणून डिपॉझिटरीच्या भूमिकेवर भर दिला. एनएसडीएल बोर्डाचे अध्यक्ष प्रवीणकुमार गुप्ता यांनी भारतीय भांडवली बाजाराच्या प्रगतीची माहिती दिली. संस्थेला दिलेल्या पाठिंब्याबद्दल आणि मार्गदर्शनाबद्दल एनएसडीएलच्या एमडी आणि सीईओ पद्मजा चंदुरू यांनी सेबीच्या अध्यक्षांचे आभार मानले.