‘एचआयव्ही’ग्रस्त ज्येष्ठांच्या ‘उमेद मेळाव्या’ला प्रतिसाद

‘एचआयव्ही’ग्रस्त ज्येष्ठांच्या
‘उमेद मेळाव्या’ला प्रतिसाद
सकाळ वृत्तसेवा
मुंबई, ता. ३ : आंतरराष्ट्रीय ज्येष्ठ नागरिक दिनानिमित्त मुंबई महापालिका क्षेत्रातील ‘एचआयव्ही’ग्रस्त ज्येष्ठ नागरिकांसाठी नुकतेच ‘उमेद मेळाव्या’चे आयोजन केले होते. मुंबई जिल्हा एड्स नियंत्रण संस्थेच्या वतीने आयोजित या मेळाव्याला ज्येष्ठ नागरिकांनी उत्स्फूर्त प्रतिसाद दिला. यावेळी संस्थेचे अतिरिक्त प्रकल्प संचालक डॉ. विजयकुमार करंजकर व उपसंचालिका ज्ञानेश्वरी सोनावणे यांनी मार्गदर्शन केले. ‘उमेद मेळाव्या’च्या निमित्ताने आरोग्य तपासणी शिबिरात रक्तदाब, मधुमेह, हाडांची तपासणी, डोळे तपासणी आदी वैद्यकीय सुविधांचा लाभ ज्येष्ठांनी घेतला. तसेच, त्यांना पंतप्रधान जनआरोग्य योजना व आभा कार्डचा लाभ मिळवून देण्यात आला.