‘आयसीआयसीआय मेक माय ट्रिप’चे पर्यटकांसाठी क्रेडिट कार्ड
मुंबई, ता. ७ : देशातील पर्यटकांच्या सोयीसाठी आयसीआयसीआय बँकेने ऑनलाइन ट्रॅव्हल कंपनी मेक माय ट्रिपबरोबर सहकार्य करून संयुक्त क्रेडिट कार्ड बाजारात आणले आहे. या कार्डमार्फत खर्च केल्यास अमर्यादित मुदत असलेले भरपूर रिवॉर्ड मिळतील. या कार्डमार्फत एक रुपया मूल्य असलेले प्रत्येकी एक ‘माय कॅश’ गुण मिळतील. त्याच्या साह्याने हॉटेल बुकिंगवर सहा टक्के, तर कॅब, बस, विमान तिकिटांच्या बुकिंगवर, तसेच अन्य खर्चावर एक टक्का सवलत मिळेल. त्याखेरीज मेक माय ट्रिपमार्फत दिल्या जाणाऱ्या अन्य सवलतीही मिळतील. मास्टर कार्ड आणि रुपेमार्फत हे क्रेडिट कार्ड संचालित होईल. रुपे क्रेडिट कार्ड यूपीआयशी जोडता येईल. त्यामुळे यूपीआय लागू असलेल्या अन्य ॲपमार्फतही त्याद्वारे व्यवहार करता येतील. या कार्डमार्फत एमएमटीब्लॅक गोल्ड मेंबरशिप मिळेल. त्याद्वारे हॉटेल, विमान प्रवास, हॉलिडे पॅकेज यावर २५ टक्क्यांपर्यंत सवलती मिळतील, अशी माहिती आयसीआयसीआय बँकेचे कार्यकारी संचालक राकेश झा यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.