आर्थिक गुन्हे शाखेचा अधिकारी गजाआड

मुंबई, ता. ९ : फसवणूक प्रकरणात तक्रारदाराचा जबाब नोंदवण्यासाठी पाच लाखांची लाच मागणाऱ्या पोलिस निरीक्षकाला लाचलुचपत प्रतिबंधक विभागाने बुधवारी रंगेहाथ अटक केली. मुंबई आर्थिक गुन्हे शाखेच्या कक्ष आठ (एमपीआयडी) येथे नियुक्त होते.
तमिळनाडू येथील तक्रारदाराने ब्लीस कन्सल्टन्सी कंपनीत ४९ लाख गुंतवले होते; मात्र कंपनीने गुंतवणूकदारांची फसवणूक केल्याने आर्थिक गुन्हे शाखेत याप्रकरणी गुन्हा नोंद होता. या गुन्ह्याच्या तपासावेळी जबाब नोंदवण्यासाठी फसवणुकीच्या रकमेच्या दहा टक्के म्हणजे चार लाख ९० हजारांची लाच सावर्डेकर यांनी मागितली. त्यामुळे तक्रारदाराने एसीबीकडे तक्रार केली.