सामूहिक बलात्काराची तक्रार

सामूहिक बलात्काराची तक्रार
एक आरोपी अटकेत
मुंबई, ता. ९ ः परराज्यातून मुंबईत आलेल्या १८ वर्षीय तरुणीला गुंगीकारक द्रव्य पाजत दोन व्यक्तींनी बलात्कार केल्याची तक्रार निर्मल नगर पोलिस ठाण्यात पीडितेने केली आहे. त्यानुसार पोलिसांनी गुन्हा मंगळवार (ता. ८) नोंद केला आहे; मात्र तक्रारदार चुकीची माहिती देत असल्याचा संशय पोलिसांना आहे. याप्रकरणी पोलिसांनी संशयित ३१ वर्षीय तरुणास अटक केली आहे.
पीडित मूळची उत्तरप्रदेशची असून महिन्याभरापूर्वी पश्चिम उपनगरात राहणाऱ्या चुलत्याकडे आली होती. चुलत्याने मालमत्तेची संबंधित कागदपत्रांवर तिच्या जबरदस्तीने सह्या घेतल्या. त्यावरून दोघांमध्ये वाद झाले. त्यानंतर मुंबई सफरीवर नेण्याच्या निमित्ताने तिला नातेवाइकांनी लोकल ट्रेनमध्ये बसवून पळ काढला. पीडिता वांद्रे परिसरात भटकत असताना दोन तरुण कारने आले, तिला चुलत्याकडे नेतो, असे सांगून गाडीत बसवले. त्यांनी दिलेले पाणी प्यायल्यावर पीडितेने गुंगी आली. त्यांनी एका पडीक इमारतीत नेत तिच्यावर बलात्कार केला, असे पीडितेने तक्रार म्हटले आहे. याप्रकरणी अधिक तपास पोलिस करीत आहेत.