Mumbai Accident: भरधाव कारची दुचाकींना धडक

भरधाव पोर्शे कारने शनिवारी पहाटे वांद्रे येथील साधू वासवानी चौकानजीक पदपथाशेजारी उभ्या असलेल्या तीन ते चार दुचाकींना धडक दिली. या अपघातात कोणीही जखमी झालेले नाही; मात्र दुचाकींचे नुकसान झाल्याचे पोलिसांनी सांगितले. याप्रकरणी वांद्रे पोलिसांनी चालक ध्रुव गुप्ता (१९) या तरुणाविरोधात गुन्हा नोंदवला आहे. ध्रुव याच्यासोबत त्याचे चार मित्रही कारमध्ये होते. अपघातावेळी ध्रुव दारूच्या नशेत होता का, हे तपासण्यासाठी त्याच्या रक्ताचा नमुना न्यायवैद्यक प्रयोगशाळेत पाठवण्यात आला आहे.