वृद्धाचे अपहरणकर्ते अटकेत

वृद्धाचे अपहरणकर्ते अटकेत
मुंबई : वृद्ध व्यापाऱ्याचे अपहरण करत २५ लाखांची खंडणी मागणाऱ्या त्रिकुटास बुधवारी (ता. २६) वाकोला पोलिसांनी बेड्या ठोकल्या. केशवजी चौधरी (६०) असे या व्यापाऱ्याचे नाव असून, ते सांताक्रूझ परिसरात राहतात. सोनवारी (ता. २४) ते गुजरातहून भूज एक्सप्रेसने मुंबईत येत होते. प्रवासादरम्यान काही व्यक्तींनी त्यांना अपहृत केले आणि कुटुंबीयांकडे २५ लाखांची खंडणी मागितली. कुटुंबाने पोलिस तक्रार करताच तपास सुरू झाला. तांत्रिक तपासाआधारे पोलिसांनी राधेश्याम सोनी (आयुर्वेदिक औषध विक्री), सतीश यादव (विमा सल्लागार) आणि धर्मेंद्र रविदास (खासगी सुरक्षा रक्षक) यांना अटक करत वृद्धाची सहिसलामत सुटका केली.