म्हाडाच्या जागांवरील अनधिकृत बांधकामांवर कारवाई होणार : उदय सामंत

म्हाडाच्या जागांवरील अनधिकृत बांधकामांवर कारवाई होणार : उदय सामंत

मुंबई, ता. २५ : मुंबई शहर व उपनगरात घाटकोपर- मानखुर्द लिंक रोड, कोळीवाडा, वाशी नाका चेंबूर आणि धारावीच्या साईबाबानगर परिसरात अनधिकृत बांधकाम उभे राहिले आहे. या म्हाडाच्या जागांवरील अनधिकृत बांधकामांबाबत चौकशी करून कारवाई करण्यात येईल, असे मंत्री उदय सामंत यांनी विधानसभेत लक्षवेधी सूचनेच्या उत्तरात सांगितले. याबाबत संजय उपाध्याय यांनी लक्षवेधी सूचना मांडली होती. मंत्री सामंत म्हणाले, या प्रकरणाची सखोल चौकशी करण्यात येईल. अनधिकृत बांधकाम काढून टाकण्याची म्हाडाच्या वतीने कारवाई लवकरात लवकर होईल. विशेषतः राखीव भूखंड, सार्वजनिक जागा आणि खासगी मालमत्तांवर अतिक्रमण करून बांधकामे उभारल्याचे समोर आले आहे. या प्रकरणाची सखोल चौकशी करण्यासाठी विशेष समिती गठित करण्यात येणार असून अनधिकृत बांधकाम काढून टाकण्यासाठी कडक पावले उचलली जातील.