मध्य रेल्वेच्या १३२ उन्हाळी स्पेशल ट्रेन

मध्य रेल्वेच्या १३२ उन्हाळी स्पेशल
एकूण समर स्पेशल ट्रेनची संख्या ९८६ वर
सकाळ वृत्तसेवा
मुंबई, ता. ३० : उन्हाळी हंगामात प्रवाशांची मोठ्या प्रमाणात होणारी गर्दी लक्षात घेऊन मध्य रेल्वेने त्यांच्या सुविधांसाठी विशेष तयारी केली आहे. नियमित गाड्यांव्यतिरिक्त, २७८ अनारक्षित गाड्यांसह एकूण ९८६ उन्हाळी विशेष गाड्यांची व्यवस्था करण्यात आली आहे. यापूर्वी ८५४ उन्हाळी विशेष गाड्यांची घोषणा करण्यात आली होती, मात्र प्रवाशांच्या वाढत्या मागणीनुसार आणखी १३२ विशेष गाड्या चालविण्याचा निर्णय घेण्यात आला आहे.

छत्रपती शिवाजी महाराज टर्मिनस (सीएसएमटी) खोरधा रोड साप्ताहिक ट्रेन (२६ फेऱ्या)
०१०४९ ट्रेन ५ एप्रिल ते २८ जून यादरम्यान दर शनिवारी सीएसएमटीहून रात्री ११.०५ वाजता सुटून खोरधा रोडला तिसऱ्या दिवाशी रात्री १२ वाजून ५५ मिनिटांनी पोहोचेल. परतीकरिता ०१०५० ट्रेन ७ एप्रिल ते ३० जून यादरम्यान दर सोमवारी दुपारी अडीच वाजता सुटून सीएसएमटीला दुसऱ्या दिवशी दुपारी १२ वाजून ५५ मिनिटांनी येईल.
----
सीएसएमटी– नारंगी साप्ताहिक ट्रेन (८ फेऱ्या)
०१०६५ ट्रेन १० एप्रिल ते १ मे यादरम्यान दर गुरुवारी सीएसएमटीहून सकाळी ११.०५ वाजता सुटून नारंगीला तिसऱ्या दिवशी सकाळी ११ वाजता पोहोचेल. परतीकरिता ०१०६६ ट्रेन १३ एप्रिल ते ४ मे यादरम्यान दर रविवारी पहाटे ५.२५वाजता सुटून सीएसएमटीला तिसऱ्या दिवशी सकाळी ८ वाजून २५ मिनिटांनी येईल.
------
सीएसएमटी-रीवा साप्ताहिक अतिजलद ट्रेन (२४ फेऱ्या)
०२१८८ ट्रेन ११ एप्रिल ते २७ जून यादरम्यान दर शुक्रवारी सीएसएमटी येथून दुपारी दीड वाजता सुटेल आणि रीवा येथे दुसऱ्या दिवशी सकाळी ९.४५ वाजता पोहोचेल. परतीकरिता ०२१८७ ट्रेन १० एप्रिल ते २६ जून यादरम्यान दर गुरुवारी दुपारी ३ वाजून ५० मिनिटांनी सुटून सीएसएमटीला दुसऱ्या दिवशी दुपारी १२ वाजून २० मिनिटांनी येईल.
---
कोल्हापूर-कटिहार ट्रेनच्या ८ फेऱ्या होणार असून, ०१४०५-०६ ट्रेन ६ ते २९ एप्रिल यादरम्यान दर रविवारी धावणार आहे.
लातूर-हडपसर ट्रेनच्या १४ फेऱ्या होणार असून, ०१४२९-३० ट्रेन ७ ते २८ एप्रियादरम्यान दर सोमवार, शुक्रवार धावणार आहे. हडपसर-राणी कमलापती साप्ताहिक ट्रेनच्या २४ फेऱ्या होणार असून, ०१६६८-६७ ट्रेन १० एप्रिल ते २७ जूयादरम्यान दर शुक्रवारी चालविण्यात येणार आहे.
---------------------------