फिल्मिस्तान स्टुडिओ हाेणार इतिहासजमा

फिल्मिस्तान स्टुडिओ हाेणार इतिहासजमा
मुंबई, ता. ३ : गोरेगाव पश्चिमेच्या जुन्या फिल्मिस्तान स्टुडिओची चार एकर जागा आर्किट डेव्हलपरने १८३ कोटींना विकत घेतली आहे. यातून त्यांना तीन हजार कोटी रुपयांचे विकासमूल्य मिळण्याची अपेक्षा आहे. त्यामुळे आता चेंबूरच्या ऐतिहासिक आर. के. स्टुडिओनंतर फिल्मिस्तान स्टुडिओदेखील इतिहासजमा होणार आहे.
गोरेगाव रेल्वेस्थानकाच्या जवळ स्वामी विवेकानंद रोडवर ही जागा असून, येथे आर्केड डेव्हलपर्सतर्फे तीन, चार आणि पाच बीएचकेची आलिशान निवासी घरे उभारली जातील. येथे ५० मजल्यांचे दोन टॉवर उभारले जातील. या ठिकाणापासून बाजारपेठेसह पश्चिम द्रुतगती महामार्ग, मेट्रो रेल्वे, लिंकिंग रोड जवळ असून, हा परिसर वेगाने विकसित होत आहे. रुग्णालये, शॉपिंग मॉल, शाळा, कॉलेज, करमणुकीची केंद्रेदेखील याच परिसराच्या आसपास आहेत, असे आर्केडचे अध्यक्ष अमित जैन म्हणाले.