वृक्षतोडीविरोधात जनआंदोलन

वृक्षतोडीविरोधात जनआंदोलन

Published on

(कोट बाकी आहेत)

सकाळ वृत्तसेवा
मुंबई, ता. ६ ः भाईंदर येथील डोंगरी परिसरातील प्रस्तावित मेट्रो कारशेडसाठी १२,४०० वृक्ष तोडावे लागणार आहेत. याविरोधात डोंगरी येथे संघर्ष सुरू असतानाच मुंबईतील विविध परिसरातूनदेखील निदर्शनातून पाठिंबा मिळत आहे.
आरे कारशेडमधील झाडे तोडण्यावरून झालेल्या संघर्षानंतर आता डोंगरी (भाईंदर) येथील रहिवाशांनी मेट्रो कारशेडविरोधात आंदोलन सुरू केले आहे. या प्रकल्पामुळे पर्यावरणाचे संतुलन बिघडणार असून आयुष्यातील महत्त्वाचा भाग असलेली झाडे तोडण्याला विरोध केला जात आहे. डोंगरीतील आंदोलकांना विविध स्तरातून पाठिंबा मिळत आहे. याच अनुषंगाने मुंबईतील सामाजिक संघटना, वृक्षप्रेमी तसेच सर्वसामान्य नागरिकांनी एकत्र येताना मरोळ, सहार, कुर्ला, माहीम, ठाणे, किरोळ, साकीनाका येथे एकाचवेळी निदर्शने करून सरकारच्या धोरणांचा निषेध केला आहे.
----------------------------------------------
जंगलासाठी संघर्षाची तयारी
झाडांमुळे ऑक्सिजन, सावली आणि सौंदर्य प्रदान करतात. ते जीवनाचे प्रतीक आहेत. आपल्या शहराच्या इतिहास, संस्कृती आणि चैतन्य यांचे रक्षक म्हणून उभे आहेत; परंतु विविध प्रकल्पांसाठी झाडांची बेसुमार कत्तल होत आहे. यामुळे मौल्यवान जंगले आणि हिरव्यागार जागा धोक्यात आल्या आहेत. त्यांच्या संरक्षणासाठी हा संघर्ष सुरू असल्याचे आंदोलकांनी सांगितले.
़़़़़़़़़़_------------------------
एखाद्या प्रकल्पासाठी १२ हजार झाडांचे नुकसान म्हणजे पर्यावरणाचा नाश करण्यासारखे आहे. एमएमआरडीएने मेट्रो कार शेडसाठी पर्यायी जागा शोधणे गरजेचे आहे.
- सायप्रियाना पिमेंटा, आंदोलक
-----------------------------
प्रकल्पांना आमचा विरोध नाही; मात्र प्रकल्प आणताना पर्यावरणाचा समतोलही साधायला हवा. इतक्या झाडांची बेसुमार कत्तल होत आहे, हे खूप दुर्दैवी आहे. आपल्याला शाश्वत विकासाची गरज आहे.
- संगीता फर्नांडिस, आंदोलक
..........

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com