कर्नाक पुलाचे आज आज लोकार्पण

कर्नाक पुलाचे
आज लोकार्पण
सकाळ वृत्तसेवा
मुंबई, ता. ९ : दक्षिण मुंबईतील महत्त्वाचा कर्नाक पूल ‘ऑपरेशन सिंदूर’ या नावाने पुन्हा वाहतुकीसाठी खुला होणार आहे. मुख्यमंत्री देवेंद्र फडणवीस १० जुलै २०२५ रोजी सकाळी १० वाजता या पुलाचे उद्‌घाटन करणार आहेत. उपमुख्यमंत्री एकनाथ शिंदे, अजित पवार, विधानसभा अध्यक्ष राहुल नार्वेकर आणि अन्य मान्यवर या वेळी उपस्थित राहणार आहेत.
१०० वर्षे जुना कर्नाक पूल नव्याने बांधण्यात आला असून, हा पूल मस्जिद बंदर स्थानकाजवळ असून, तो पूर्व-पश्चिम मुंबईला जोडतो. पुलाच्या बांधकामात ५५० मेट्रिक टन वजनाचे लोखंडी बीम यशस्वीपणे बसवण्यात आले आहेत. महापालिका आणि रेल्वेच्या समन्वयातून अवघ्या चार महिन्यांत हे काम पूर्ण झाले आहे. पूल सुरू झाल्यानंतर क्रॉफर्ड मार्केट, काळबादेवी, धोबी तलाव या परिसरातील वाहतुकीवरील ताण कमी होणार आहे.