बनावट कागदपत्रे वापरल्यास प्रवेश रद्द

बनावट कागदपत्रे
वापरल्यास प्रवेश रद्द

‘शिक्षण हक्क’बाबत दादा भुसेंचा इशारा

आरटीईअंतर्गत प्रवेश घेतलेल्या विद्यार्थ्यांचा स्वतंत्र वर्ग घेतल्यास शाळांवर कारवाई होणार

मुंबई, ता. ९ : बालकांचा मोफत व सक्तीच्या शिक्षणाचा अधिकार (आरटीई) कायद्याअंतर्गत खासगी शाळांत प्रवेश मिळवण्यासाठी बनावट कागदपत्रांचा वापर करून प्रवेश घेतल्याचे निदर्शनास आले, तर प्रवेश रद्द करण्यात येतील, असे शालेय शिक्षणमंत्री दादा भुसे यांनी विधानसभेत सांगितले.
विधानसभा सदस्य संजय गायकवाड, नमिता मुंदडा यांनी यासंदर्भात प्रश्न उपस्थित केला होता. त्यावर उत्तर देताना मंत्री भुसे बोलत होते.
खासगी व विनाअनुदानित शाळांत २५ टक्के जागा आर्थिकदृष्ट्या दुर्बल व वंचित घटकांतील विद्यार्थ्यांसाठी राखीव ठेवण्याची तरतूद शिक्षण हक्क कायद्यानुसार आहे.
-----
स्वतंत्र वर्ग आढळल्यास
शाळांवर कारवाई
एकदा प्रवेश मिळाल्यानंतर शाळा बदलण्याची कोणतीही तरतूद नाही. काही शाळांमध्ये शिक्षण हक्क कायद्यांतर्गत प्रवेशित विद्यार्थ्यांसाठी स्वतंत्र वर्ग घेत असल्याच्या तक्रारी प्राप्त झाल्या आहेत. याबाबत चौकशी करून कठोर कारवाई करण्यात येईल, असेही मंत्री भुसे यांनी सांगितले.