१ ऑगस्टपासून ‘आपली चिकित्सा’चाचणी सुविधा

१ ऑगस्टपासून ‘आपली चिकित्सा’चाचणी सुविधा
गरजू रुग्‍णांना मोठा दिलासा
मुंबई, ता. १२ ः पालिकेची मोफत चाचणी सुविधा ‘आपली चिकित्सा’ ही सात महिन्यांच्या विश्रांतीनंतर पुन्हा सुरू होणार आहे. पालिकेच्या उच्च पदावरील एका वरिष्ठ अधिकाऱ्यांनी याबाबत माहिती दिली.
लाइफनिटी नावाच्या कंपनीला निविदा देण्यात आली आहे. जुन्या योजनेअंतर्गत १३७ प्रकारच्या मूलभूत आणि प्रगत चाचण्या होत्या; परंतु नवीन निविदेत अनेक चाचण्यांचे वर्गीकरण करण्यात आले आहे, आता फक्त ८७ प्रकारच्या चाचण्या केल्या जातील.
पालिका आणि कंपनीमध्ये चार वर्षांचा करार झाला आहे. यामध्ये ७०.८० लाख चाचण्या केल्या जातील. या पॅथॉलॉजी चाचणी सुविधा सुरू झाल्यामुळे आर्थिकदृष्ट्या कमकुवत रुग्णांना मोठा दिलासा मिळेल. घराजवळील दवाखान्यात अनेक प्रकारच्या चाचण्या केल्या जातील. ४४० दवाखान्यांसह, ३० प्रसूतिगृहे, पाच विशेष रुग्णालये आणि १६ उपनगरीय रुग्णालयांमध्ये चाचणी सुविधा उपलब्ध असतील.