आमदार संजय गायकवाड यांच्याविरोधात अदखलपात्र गुन्हा

आमदार संजय गायकवाड यांच्याविरोधात अदखलपात्र गुन्हा

मुंबई : शिळे जेवण दिल्याचा आरोप करीत आकाशवाणी आमदार निवासातील कँटीन कर्मचाऱ्यांना मारहाण करणाऱ्या शिवसेना आमदार संजय गायकवाड यांच्याविरोधात शुक्रवारी (ता. ११) मरीन ड्राइव्ह पोलिस ठाण्यात अदखलपात्र गुन्ह्याची (एनसी) नोंद करण्यात आली. मंगळवारी (ता. ८) रात्री ही घटना घडली होती; मात्र गायकवाडांकडून मार खाणारे कर्मचारी तक्रार देण्यास इच्छुक नव्हते. अखेर पोलिसांनी समाजमाध्यमांवर या प्रसंगाचे उपलब्ध व्हिडिओ आणि आमदार निवासात केलेल्या चौकशीच्या आधारे भारतीय न्याय संहितेतील ११५(२), ३५२ या कलमांनुसार अदखलपात्र गुन्हा नोंदवला.