मुंबईत मुसळधार पाऊस
मुंबईत पावसाचा जोर
अनेक सखल भागात पाणी; वाहतुकीवर परिणाम
सकाळ वृत्तसेवा
मुंबई, ता. १५ : शहरासह उपनगरांना मंगळवारी (ता. १५) पावसाने अक्षरशः झोडपून काढले. अंधेरी, सायन, कुर्ला, घाटकोपर, दादर, माटुंगा, मुलुंड आणि भांडुप या सखल भागांत पाणी साचल्याने रस्ते जलमय झाले आणि प्रवाशांची त्रेधातिरपीट उडाली. अनेक सखल भागांत पाणी साचल्यामुळे वाहतुकीवर परिणाम झाला आहे.
मुसळधार पावसाने अंधेरी सबवेमध्ये पाणी साचले. सायन, कुर्ला, घाटकोपर, दादर, माटुंगा, मुलुंड व भांडुप या भागांत रस्ते जलमय झाल्याने प्रवाशांना मोठा त्रास सहन करावा लागला. घाटकोपरमधील आर सिटी मॉल परिसरात पूरसदृश परिस्थिती निर्माण झाली होती, सोशल मीडियावर त्याचे व्हिडिओही व्हायरल झाले. दादरमधील छत्रपती शिवाजी मैदान परिसरातही मोठ्या प्रमाणावर पाणी साचले. दिवसभरात कुलाबा १२.२ तर सांताक्रूझ ३८.२ मि.मी. पावसाची नोंद झाली. महापालिकेने मुसळधार पावसात सखल भाग, समुद्रकिनारे आणि रेल्वे ट्रॅकजवळून जाताना सावध राहण्याचे आवाहन केले आहे. दरम्यान, आजच्या पावसामुळे काही भागांत वाहतूक कोंडी झाली, तर मध्य आणि हार्बर लोकल १० मिनिटे उशिराने धावत होती. दुसरीकडे हवामान विभागाने मुंबई शहर व उपनगरांसाठी पुढील २४ तासांसाठी ग्रीन अलर्ट जारी केला असून, हलक्या ते मध्यम पावसाची शक्यता वर्तवण्यात आली आहे. यादरम्यान, वाऱ्याचा वेग ४० ते ५० किमी प्रतितास राहू शकतो, विजांचा कडकडाट होण्याची शक्यता हवामान खात्याने वर्तवली आहे.
......
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.