मुलुंड यार्डात चोरला पकडले

मुंबई, ता. १६ : मुलुंड रेल्वे यार्डातील मालमत्तेची चोरी करताना एका सहाय्यक पॉइंट्समनने प्रसंगावधान दाखवत एका चोराला रंगेहाथ पकडले. न्यू मुलुंड गुड्स शेड (एनजीएसएम) येथे सोमवारी (ता. १४) सायंकाळी पाच वाजता घडली होती.
ट्रेन क्रमांक ११०१६ अमृत भारत एक्स्प्रेसला ठाणे स्थानकावर शॉर्टटर्मिनेट करून न्यू मुलुंड गुड्स शेड यार्डमध्ये स्टॅबलिंगसाठी नेण्यात आले होते. स्टॅबलिंग प्रक्रियेदरम्यान प्रजापती यांनी लाकडी सापळे, सुरक्षा साखळ्या लावण्यासाठी ट्रेनच्या मुंबईकडील टोकाकडे गेले. हँडब्रेक लावण्यासाठी एसएलआर डब्यामध्ये चढले असता एका व्यक्ती संशयास्पद हालचाली करताना दिसून आली. प्रजापती यांनी विचारले असता, त्या व्यक्तीने त्यांना ढकलून ट्रेनच्या विरुद्ध दिशेने पळ काढला; मात्र प्रजापती यांनी सहकारी ट्रेन क्लार्क सुनील पाटील यांना माहिती दिली. या दोघांनी पाठलाग करून कल्याणच्या दिशेने पळालेल्या चोराला पकडले.