धाडसी पॉइंट्समनच्या सतर्कतेमुळे चोर गजाआड
सकाळ वृत्तसेवा
मुंबई, ता. १५ : मध्य रेल्वेच्या न्यू मुलुंड गुड्स शेड (एनजीएसएम) येथे सहाय्यक पॉइंट्समन म्हणून काम करणारे सुधीर प्रजापती यांनी आपल्या सतर्कतेने रेल्वेमधील चोरी थांबवत एक मोठी अनुचित घटना टाळली. सोमवारी (ता. १४ ) सायंकाळी पाच वाजता अमृत भारत एक्स्प्रेस ठाणे स्थानकावर थांबवून न्यू मुलुंड यार्डमध्ये लावण्यात आली होती. ही ट्रेन यार्डमधील एका लाइनवर उभी असताना सहाय्यक पॉइंट्समन प्रजापती सुरक्षा साखळ्या लावण्यासाठी एसएलआर डब्यात चढले. त्या वेळी त्यांनी एका व्यक्तीच्या संशयास्पद हालचाली पाहिल्या. प्रजापती यांनी त्याला थांबवण्याचा प्रयत्न केला असता, तो चोर पळून गेला. प्रजापती यांनी तत्काळ सहकारी सुनील पाटील यांना माहिती दिली. दोघांनी मिळून पाठलाग करीत या चोराला पकडले आणि त्याच्याकडून चोरीचा माल हस्तगत केला. हा माल यार्ड मास्टरच्या ताब्यात दिला असून, आरोपीला रेल्वे सुरक्षा दलाच्या ताब्यात देण्यात आले आहे. रेल्वे प्रशासनाकडून प्रजापती यांच्या धाडसाचे कौतुक करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.