जेजे रुग्णालयात रोबोटद्वारे गुडघा प्रत्यारोपण,

जेजे रुग्णालयात रोबोटद्वारे गुडघा प्रत्यारोपण,

Published on

जे. जे. रुग्णालयात रोबोटद्वारे गुडघा प्रत्यारोपण
रोबोटच्या मदतीने अचूक शस्त्रक्रिया : चार रुग्णांवर मोफत शस्त्रक्रिया
सकाळ वृत्तसेवा
मुंबई, ता. १६ : राज्य सरकारच्या जे. जे. रुग्णालयात रुग्णांचे गुडघे प्रत्यारोपण रोबोटद्वारे केले जात आहे. महात्मा जोतिराव फुले जन आरोग्य योजनेअंतर्गत चार रुग्णांवर मोफत शस्त्रक्रिया करण्यात आल्या आहेत. या रुग्णालयात पित्ताशय, हर्निया, स्वादुपिंडाच्या शस्त्रक्रियेत रोबोटची मदत घेतली जात आहे.
जे. जे. रुग्णालयाचे अधिष्ठाता डॉ. अजय भंडारवार आणि रुग्णालयाचे अधीक्षक डॉ. संजय सुरासे यांच्या मार्गदर्शनाखाली रुग्णांच्या उपचारांमध्ये रोबोटची व्याप्ती वाढविण्यात येत आहे. रुग्णालयाच्या ऑर्थोपेडिक विभागाचे प्रमुख डॉ. नादिर शाह यांनी सांगितले, की एका खासगी कंपनीने हा रोबोट चाचणीसाठी दिला आहे.

रुग्णाची रिकव्‍हरीला कमी वेळ
डॉ. नादिर म्हणाले, की रोबोटच्या मदतीने अचूक शस्त्रक्रिया केली जाते. यामुळे रुग्ण लवकर बरा होतो आणि दोन-तीन दिवसांत त्याला डिस्चार्ज दिला जातो. यामध्ये रक्तस्त्राव आणि वेदना कमी होतात. दुसरीकडे पारंपरिक शस्त्रक्रिया हाताने केली जाते. यामध्ये जास्त चिरा घ्याव्या लागतात. शस्त्रक्रियेदरम्यान केवळ जास्त रक्तस्त्राव होत नाही तर वेदनाही जास्त होतात.

आणखी दोन रोबोटची चाचणी
सद्य:स्थितीतील रोबोट जे. जे. ऑर्थोपेडिक विभागाकडे १८ जुलैपर्यंत असेल. त्यानंतर आणखी दोन रोबोट चाचणीसाठी उपलब्ध होतील. वरिष्ठ अधिकाऱ्यांच्या परवानगीने या रोबोट्सद्वारे शस्त्रक्रियादेखील केल्या जातील. त्यानंतर कोणत्या कंपनीचा रोबोट अधिक प्रभावी आहे हे ठरवले जाईल. त्यानंतर रोबोट खरेदी करण्याचा निर्णय घेतला जाईल.

अशा प्रकारे केली जाते रोबोटिक सर्जरी
रोबोटिक सिस्टीममध्ये एक कन्सोल, एक रोबोटिक आर्म आणि उच्च क्षमतेचा थ्री डी कॅमेरा असतो. सर्जन कन्सोलवर बसून रोबोटिक आर्म आणि कॅमेरा नियंत्रित करतो. सर्जन संगणकावर शस्त्रक्रियेचे थ्री डी मॉड्यूल तयार करतो. थ्रीडी कॅमेरा सर्जनला तपशीलवार दृश्य प्रदान करतो. भारतात शंभरहून अधिक रोबोटिक सर्जरी सिस्टीम कार्यरत आहेत. या दरवर्षी १२ हजार ते १५ हजार रोबोटिक सर्जरी करतात.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com