मुंबईत दिवसभरात पावसाची उघडीप

मुंबईत दिवसभरात
पावसाची उघडीप
मुंबई : मागील दोन दिवस बऱ्यापैकी बरसणाऱ्या पावसाने गुरुवारी उघडीप घेतली. मुंबईतील काही भागांत बुधवारी रात्री किरकोळ सरी झाल्यानंतर आज पावसाने पूर्णपणे विश्रांती घेतली. दरम्यान, दिवसभर ढगाळ वातावरण असल्याने उकाड्याची तीव्रता प्रचंड जाणवली. दुपारी शहरात आर्द्रता ७० टक्क्यांच्या आसपास होती. सायंकाळी ती ९० टक्क्यांपर्यंत वाढली. त्यामुळे दमट वातावरणाचा अनुभव मुंबईकरांना आला. पुढील २४ तासांत मुंबईत हलक्या ते मध्यम सरी पडण्याची शक्यता आहे. आकाश अंशतः ढगाळ राहणार असून, कमाल तापमान ३२ आणि किमान तापमान २६ अंश सेल्सिअसच्या आसपास राहण्याचा अंदाज हवामान विभागाने वर्तविला आहे.