‘स्त्री’च्या आत्मविश्वासाला बळ

भाग्यश्री भुवड ः सकाळ वृत्तसेवा
मुंबई, ता. १९ : शहरातील सरकारी कामा व आल्ब्लेस रुग्णालयात स्त्रियांच्या जननेंद्रियाच्या सौंदर्यात सुधारणांसाठीचा शस्त्रक्रिया (गायनो-कॉस्मेटिक विभाग) विभाग सुरू करण्याचा प्रस्ताव राज्य आरोग्य विभागाकडे पाठवण्यात आला आहे. या प्रस्तावाला मान्यता मिळाल्यास २०२६ पासून ही सेवा राज्यात सुरू होईल.
स्त्रीच्या शरीराविषयी तिचा आत्मविश्वास आणि तिच्या जिव्हाळ्याचे आरोग्य सुधारणाऱ्या प्रक्रिया श्रीमंतांचा विशेषाधिकार राहू नये. परवडणाऱ्या किमतीत सार्वजनिक रुग्णालये लिंग-संवेदनशील आरोग्यसेवा मिळावी, या हेतूने कामा व अल्ब्लेस रुग्णालयात स्त्रियांच्या जननेंद्रियाच्या सौंदर्यात सुधारणांसाठीचा शस्त्रक्रिया (गायनो-कॉस्मेटिक विभाग) विभाग सुरू होणार आहे. प्रसूतीनंतर योनीतील शिथिलता, मोठ्या ओठांमुळे होणाऱ्या अस्वस्थतेमुळे निर्माण होणाऱ्या समस्यवरबाबत मानसिक समुपदेशन, समती आणि संपूर्ण माहितीसह वैद्यकीय मार्गदर्शन केले जाणार आहे.
--------------------------------------
‘या’ सेवा देणार
हायमेनोप्लास्टी, योनीनोप्लास्टी, लॅबियाप्लास्टी, योनी व्हाइटनिंग, पेरिनिओप्लास्टी, क्लिटोरल हूड रिडक्शन, जी-स्पॉट ॲम्प्लिफिकेशन, लेसर आणि रेडिओफ्रिक्वेन्सी ट्रीटमेंट आणि व्हल्व्हा ब्युटीफायिंग फिलर्ससारख्या सर्जिकल आणि नॉन-सर्जिकल सेवा येथे प्रदान केल्या जातील.
..................................
महागडी शस्त्रक्रिया स्वस्तात
खासगी रुग्णालयात या शस्त्रक्रियांसाठी ५०,००० ते दोन लाख रुपयांपर्यंतचा खर्च असली, तरी कामा येथे या खूपच स्वस्त दरात उपलब्ध असतील. या शस्त्रक्रियांची किंमत खूपच कमी असेल. मोठ्या शस्त्रक्रिया सुमारे ५०० रुपये आणि फिलर किंवा लेसर उपचारांसारख्या किरकोळ शस्त्रक्रिया २०० ते ३०० रुपयांदरम्यान असतील.
..............................
प्रसूतीनंतर शारीरिक बदलाबद्दल काळजी करणाऱ्या महिला दररोज याबद्दल विचारपूस करतात. ऑनलाइन माहिती मिळवल्यानंतर किंवा खासगी डॉक्टरांना भेटल्यानंतर याबाबत विचारणा केली जाते. रुग्णांच्या वाढत्या मागणीमुळे हा विभाग प्रस्तावित आहे.
- डॉ. तुषार पालवे, अधीक्षक, कामा रुग्णालय