विकसकांमु‍‍ळे झोपडीधारक रडकुंडीला

सकाळ वृत्तसेवा
मुंबई, ता. २२ : झोपडपट्टी पुनर्वसन योजनेंतर्गत (एसआरए) हक्काचे घर मिळावे, म्हणून मुंबई शहर आणि उपनगरातील एसआरए योजनेत सहभागी झाले. त्यांच्या झोपड्या तोडल्यानंतर काही महिने भाडेही मिळाले, मात्र काही वर्षांपासून अनेक प्रकल्प रखडले असून, १३१ विकसकांनी तब्बल २७९ कोटींचे भाडे थकवल्याने रहिवासी रडकुंडीला आले आहेत.
मुंबईत जवळपास पाचशेहून अधिक एसआरए प्रकल्प रखडले आहेत. त्यापैकी जवळपास २५० प्रकल्प एसआरएने काढून घेत म्हाडा, एमएमआरडीए, महापालिका अशा प्राधिकरणाच्या माध्यमातून पूर्ण केले आहेत, तर अनेक प्रकल्प ठप्प आहेत. त्यामध्ये जवळपास १३१ पुनर्विकास प्रकल्पांच्या विकसकांनी संबंधित झोपडपट्टीधारकांचे भाडे थकवले आहे. पश्चिम उपनगरात सर्वाधिक भाडे थकीत असून, ७१ विकसकांनी २२३ कोटी थकवले आहेत, तर पूर्व उपनगरातील ४४ प्रकल्पांच्या विकसकांनी ३४ कोटी, तर मुंबई शहरात १६ प्रकल्पांमधील झोपडीधारकांचे २२ कोटी रुपये भाडे थकीत आहे.
------------------------------------------
विभाग प्रकल्प संख्या थकीत भाडे (कोटीमध्ये
- मुंबई शहर - १६ २२
- पश्चिम उपनगर - ७१ २२३
- पूर्व उपनगर - ४४ २४