मुंबईतील काही भागांत जोरदार पावसाची शक्यता

मुंबईला आज ‘यलो अलर्ट’ जारी

सकाळ वृत्तसेवा
मुंबई, ता. २२ : शहरासह उपनगरांत आज दिवसभर ढगाळ वातावरण कायम राहिले. त्यामुळे कमाल तापमानात घट होऊन ते सुमारे २८ अंश सेल्सिअसपर्यंत खाली घसरले. तर दिवसभरात अधूनमधून हलक्या ते मध्यम स्वरूपाच्या सरी बरसल्या. हवामान विभागानुसार बुधवारपासून काही भागांत मध्यम ते जोरदार पावसाची शक्यता वर्तविण्यात आली आहे. गेल्या २४ तासांत मुंबईत पावसाची चांगली नोंद झाली. मंगळवारी सकाळी ८.३० वाजेपर्यंत सांताक्रूझ वेधशाळेत १०८ मि.मी. तर कुलाबा वेधशाळेत ४० मि.मी. पावसाची नोंद झाली. त्यानंतर सायंकाळी ६ वाजेपर्यंत कुलाबा आणि सांताक्रूझ १७.५ मि.मी. पावसाची नोंद झाली. कुलाबा येथे कमाल तापमान २७.६ अंश सेल्सिअस, आर्द्रता ९३ टक्के होती, तर सांताक्रूझ येथे कमाल तापमान ३०.१ अंश सेल्सिअस, आर्द्रता ८३ टक्के होती. मुंबई, ठाणे आणि पालघर जिल्ह्यांमध्ये हवामान विभागाने ‘यलो अलर्ट’ जारी केला आहे.