विसर्जित पीओपीं मूर्तीचे साहित्य पुन्हा वापरता येईल का?

‘पीओपी पुन्हा वापरता येईल का?’

मुंबई, ता. २४ ः पीओपीच्या लहान अथवा मोठ्या मूर्तींच्या विसर्जनानंतर मूर्तीसाठी वापरलेले साहित्य पुन्हा वापरता येईल का, याबाबत तज्ज्ञांची आणि वैज्ञानिकांची समिती स्थापन करावी व पीओपीच्या पुनर्वापरबाबत निर्णय घ्यावा, असे आदेश न्यायालयाने गुरुवारी (ता. २४) राज्य सरकारला दिले. यासोबत शाडू मातीच्या मूर्तींच्या वापराला चालना देण्यासाठी व्यापक जनजागृती करण्याची गरजही न्यायालयाने व्यक्त केली.
उच्च न्यायालयाने केवळ सहा फुटांपेक्षा अधिक उंचीच्या पीओपी गणेशमूर्तींचे विसर्जन समुद्र व नैसर्गिक जलप्रवाहांमध्ये करण्यास गुरुवारी परवानगी दिली. विसर्जन हे कृत्रिम तलावात करण्यात यावे, तसेच शाडू मातीच्या मूर्ती वापर करावा, या मुद्द्यावर व्यापक स्वरूपात प्रबोधन आणि जनजागृती करावी, असेही न्यायालयाने नमूद केले. त्यासोबतच गणेशोत्सव मंडळ, संघटना यांनीही पर्यावरणपूरक मूर्ती, अथवा सहा फुटांपेक्षा कमी उंचीच्या मूर्ती स्थापन कराव्यात, पर्यावरणाचे नुकसान होणार नाही, पर्यावरणाचा समतोल साधला जाईल, यासाठी मूर्तीचे विसर्जन कृत्रिम तलावात होईल, याची काळजी घ्यावी, असेही न्यायालयाने म्हटले.
...
लाल रंगाने चिन्ह करा!
पीओपी मूर्ती उत्पादक, मूर्तिकारांनी मूर्तीच्या मागील बाजूला स्पष्ट दिसेल अशा ठळक लाल रंगाने चिन्ह करावे स्थानिक स्वराज्य संस्थांनी सार्वजनिक मंडळांची नोंदणी करताना त्यांची मूर्ती पीओपी आहे की नाही याची माहिती घेऊन विसर्जनाचा आराखडा व व्यवस्था करावी, असेही आदेश न्यायालयाने दिले आहेत.