आज दहावी-बारावीच्या पुरवणी परीक्षेचा निकाल

आज दहावी-बारावीच्या पुरवणी परीक्षेचा निकाल

मुंबई, ता. २८ ः राज्य शिक्षण मंडळाकडून जून-जुलै २०२५ मध्ये घेण्यात आलेल्या दहावी आणि बारावीच्या पुरवणी परीक्षेचा निकाल मंगळवारी (ता. २९) दुपारी १ वाजता ऑनलाइन पद्धतीने मंडळाच्या https://www.mahahsscboard.in संकेतस्थळावर जाहीर केला जाणार आहे.
राज्य शिक्षण मंडळामार्फत दहावीची पुरवणी परीक्षा २४ जून ते ८ जुलै या कालावधीत, तर बारावीची पुरवणी परीक्षा २४ जून ते १६ जुलै या कालावधीत आयोजित करण्यात आली होती. या परीक्षेत बसलेल्या विद्यार्थ्यांना स्वतःच्या अनिवार्य विषयांपैकी कोणत्याही विशिष्ट विषयात त्यांनी संपादन केलेल्या गुणाची पडताळणी, उत्तर पत्रिकांच्या छायाप्रती, पुनर्मूल्यांकनासाठी अर्ज ऑनलाइन पद्धतीने करता येतील. यासाठी ३० जुलै ते ८ ऑगस्टपर्यंत मुदत देण्यात आली असल्याची माहिती मंडळाकडून देण्यात आली.
...
प्रवेशासाठी मुभा
दहावी, बारावीच्या पुरवणी परीक्षेच्या निकालानंतर संबंधित विद्यार्थ्यांना विविध ठिकाणी उपलब्ध असलेल्या पर्यायांसाठी प्रवेश घेण्याची मुभा मिळेल. यामध्ये प्रामुख्याने अकरावीच्या ऑनलाइन प्रवेशासाठी त्यांच्यासाठी विशेष फेरीचे आयोजन केले जाणार असल्याचे राज्य शिक्षण मंडळाकडून सांगण्यात आले. पदवीच्या प्रवेशासाठी उच्च शिक्षण विभागाकडून या विद्यार्थ्यांना मुभा दिली जाण्याची शक्यता व्यक्त केली जात आहे.