राज्यात ‘अवयवदान’ रविवारपासून चळवळ

राज्यात ‘अवयवदान’
रविवारपासून चळवळ
सकाळ वृत्तसेवा
मुंबई, ता. ३० ः राज्यातील अवयवदानाचे प्रमाण वाढवून प्रतीक्षा यादीतील रुग्णांना दिलासा देण्यासाठी ३ ते १५ ऑगस्टदरम्यान राज्यात अवयवदान चळवळ राबवावी, असे निर्देश सार्वजनिक आरोग्य आणि कुटुंबकल्याणमंत्री प्रकाश आबिटकर यांनी येथे राज्यस्तरीय बैठकीत दिले.
आरोग्यमंत्री प्रकाश आबिटकर, आरोग्य राज्यमंत्री मेघना साकोरे-बोर्डीकर यांच्या मार्गदर्शनाखाली मंगळवारी (ता. २९) ही बैठक झाली. या वेळी आरोग्य सेवा आयुक्त तथा राष्ट्रीय आरोग्य अभियानाचे व्यवस्थापकीय संचालक डॉ. कादंबरी बलकवडे, केईएम रुग्णालयाचे डॉ. आकाश शुक्ला, वैद्यकीय शिक्षण विभागाचे अधिकारी तसेच आरोग्य विभागाचे प्रमुख अधिकारी उपस्थित होते.
१५ ऑगस्टला प्रत्येक जिल्ह्यात अवयवदात्यांचा सत्कार करावा आणि मोहिमेला सकारात्मक गती द्यावी, अशा सूचना त्यांनी आरोग्य विभागाला दिल्या.