‘कार्यकारी सहायक’साठी १४ ऑगस्टपर्यंत मुदतवाढ

‘कार्यकारी सहाय्यक’साठी
१४ ऑगस्टपर्यंत मुदतवाढ
सकाळ वृत्तसेवा
मुंबई, ता. ३० : महापालिकेच्या ‘कार्यकारी सहाय्यक’ पदासाठी तात्पुरत्या निवड यादीतील उमेदवारांना कागदपत्र पडताळणी आणि नियुक्ती प्रक्रियेसाठी १४ ऑगस्टपर्यंत मुदतवाढ देण्यात आली आहे. यानंतरही अनुपस्थित राहणाऱ्या उमेदवारांची नावे निवड यादीतून वगळण्यात येणार असल्याचे प्रशासनाने स्पष्ट केले आहे.
महापालिकेच्या एकूण एक हजार ८४६ रिक्त जागांसाठी भरती प्रक्रिया सुरू आहे. जुलै महिन्यात जारी सूचनेनुसार उमेदवारांना १ ऑगस्टपर्यंत हजर राहण्यास सांगण्यात आले होते; मात्र काही उमेदवार उपस्थित राहू शकले नाहीत. त्यांना १४ ऑगस्टपर्यंत महापालिका मुख्यालयातील ‘प्रमुख कर्मचारी अधिकारी कार्यालयात’ हजर राहण्याचे निर्देश देण्यात आले आहेत.