डीएसपी ॲसेट मॅनेजरआता ओएनडीसी नेटवर्कवर

मुंबई : डीएसपी ॲसेट मॅनेजर्सने सायब्रीलाशी सहकार्य करून केंद्र सरकारच्या ओपन नेटवर्क फॉर डिजिटल कॉमर्स (ओएनडीसी)मार्फत काम करणारी पहिली म्युच्युअल फंड कंपनी हा मान मिळवला आहे. ज्या व्यक्तींना कोणत्याही परंपरागत आर्थिक व्यवस्थेचा लाभ घेता येत नाही त्यांना ओएनडीसीच्या आर्थिक सेवेच्या साह्याने अनेक व्यवहार करता येतात. बँक सेवा नसलेल्या ठिकाणी नागरिकांना आणि छोट्या व्यावसायिकांना त्यामार्फत कर्ज मिळते. प्रथमच गुंतवणूक करणाऱ्या गुंतवणूकदारांना छोट्या गुंतवणुकीपासून सुरुवात करून आपली बचत वाढवण्यास साह्य केले जाते.

ओएनडीसीच्या साह्याने बीएसपी म्युच्युअल फंडाला, गुंतवणूकदारांना आणि म्युच्युअल फंड एजंटांना नव्या संधी मिळतील. याद्वारे आता जास्तीत जास्त लोकांपर्यंत म्युच्युअल फंड पोहोचवता येईल. तेथून डीएसपी व त्यांचे भागीदार छोट्या गुंतवणूकदारांनाही एसआयपीसारखी नवी उत्पादने विकू शकतील. तसेच ओएनडीसीवरील खर्चही अत्यंत कमी येत असल्यामुळे ते सर्वांनाच सोयीस्कर आहे, असे डीएसपी ॲसेट मॅनेजर्सचे मनीष रथी म्हणाले.