माहिती नाकाल्यामुळे मनसेचे आंदोलन

माहिती नाकारल्यामुळे
मनसेचे आंदोलन
सकाळ वृत्तसेवा
मुंबई, ता. ३१ : महापालिकेतील कचरा वाहतूक निविदा घोटाळ्याप्रकरणी माहितीच्या अधिकारात (आरटीआय) माहिती न देणाऱ्या अधिकाऱ्यांवर महाराष्ट्र नवनिर्माण सेनेने आज रोष व्यक्त केला. मनसेने थेट पालिकेच्या नियोजन खात्यात जाऊन कार्यकारी अभियंता आनंद कंकाळ यांच्या रिकाम्या खुर्चीला हार घालून निषेध नोंदवला.
माजी नगरसेवक संतोष धुरी, कामगार सेना सरचिटणीस केतन नाईक आणि उपाध्यक्ष नीलेश पाटील यांनी नियोजित वेळेनुसार या खात्याला भेट दिली; मात्र अधिकाऱ्यांनी उपस्थित राहणे टाळल्यामुळे मनसे पदाधिकाऱ्यांनी अनोखा निषेध नोंदवला. मनसे नेते संदीप देशपांडे यांनी काही आठवड्यांपूर्वी कचरा वाहतूक टेंडरमध्ये झालेला कोट्यवधींचा घोटाळा उघडकीस आणला होता. माहिती अधिकारात माहिती देण्यास टाळाटाळ सुरू असल्यामुळे हे आंदोलन केल्याचे मनसेचे नेते संतोष धुरी यांनी स्पष्ट केले.
.........