विद्यापीठाची सुरक्षा  अधिक बळकट

विद्यापीठाची सुरक्षा अधिक बळकट

Published on

विद्यापीठाची सुरक्षा अधिक बळकट
मुंबई, ता. २ ः विद्यापीठाच्या विद्यानगरी संकुलातील सुरक्षा अधिक बळकट करण्यासाठी मुंबई विद्यापीठाने मोठे पाऊल उचलले आहे. विद्यानगरी परिसरात बुम बॅरिअर सुविधा कार्यान्वित करण्यात आली आहे.
आता केवळ आरएफआयडी (रेडिओ फ्रिक्वेन्सीस आयडेंटिफिकेशन) स्टिकर्स असलेल्या वाहनांना प्रवेश दिला जाणार आहे. विद्यापीठाच्या सुरक्षा विभागाकडून यासाठी अधिकारी, शिक्षक आणि शिक्षकेतर कर्मचाऱ्यांना आरएफआयडी स्टिकर्स देण्यात आले आहेत. उच्च दर्जाच्या बुम बॅरिअरमुळे आरएफआयडी स्टिकर्स असलेल्या वाहनांचा प्रवेश सुलभ होणार आहे. विद्यानगरी संकुलात येणाऱ्या प्रत्येक वाहनाची नोंद केली जाणार असून, अनधिकृत वाहनांना प्रवेश प्रतिबंध केला जाणार आहे. या सुविधेचे उद्‌घाटन मुंबई विद्यापीठाचे कुलगुरू प्रा. रवींद्र कुलकर्णी, प्र-कुलगुरू प्राचार्य डॉ. अजय भामरे, कुलसचिव डॉ. प्रसाद कारंडे, वित्त व लेखा अधिकारी सीए हर्षल वाघ, सुरक्षा अधिकारी बाळासाहेब खरात आणि किरण वसावे आदी मान्यवर उपस्थित होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com