वृद्ध महिलेस चिरडून ट्रकचालकाचा पळ

वृद्ध महिलेस चिरडून
ट्रकचालकाचा पळ

मुंबई, ता. २ : प्रभादेवी येथे भरधाव ट्रकने दुचाकीला दिलेल्या धडकेत महिलेचा मृत्यू झाल्याची घटना उघडकीस आली आहे. वनिता काणेकर (वय ६३) असे मृत महिलेचे नाव आहे. शुक्रवारी सकाळी १०.३०च्या सुमारास प्रभादेवीजवळ हा अपघात झाला. अपघातानंतर जखमींना मदत न करताच ट्रकचालकाने पळ काढला. याप्रकरणी दादर पोलिस ठाण्यात अनोळखी ट्रकचालकाविरोधात गुन्हा नोंदवण्यात आला असून, त्याचा शोध सुरू आहे. यात अजित यादव हे गंभीर जखमी झाले असून, त्यांना अन्य वाहनचालकांच्या मदतीने रुग्णालयात नेण्यात आले.