आयआयटीतील विद्यार्थ्याचा मृत्यू

आयआयटीतील विद्यार्थ्याचा मृत्यू

Published on

दहाव्या मजल्यावरून पडल्याने
आयआयटीतील विद्यार्थ्याचा मृत्यू
आत्महत्या केल्याचा पोलिसांना संशय
मुंबई, ता. २ ः आयआयटी संकुलातील वसतिगृहाच्या दहाव्या मजल्यावरून पडून रोहित सिन्हा (वय २२) या विद्यार्थ्याचा मृत्यू झाला. ही घटना शुक्रवारी (ता. १) मध्यरात्री अडीचच्या सुमारास घडली. प्रथमदर्शनी ही आत्महत्या असावी, असा संशय पवई पोलिसांना आहे. अपघाती मृत्यूची नोंद घेत त्यांनी चौकशी सुरू केली आहे.
पोलिसांना मिळालेल्या माहितीनुसार, रोहित मूळचा दिल्लीचा रहिवासी असून, त्याने मेटा सायन्स विषयात बी.टेक पूर्ण केले होते. शुक्रवारी रात्री वसतिगृहातील अन्य विद्यार्थ्यांसोबत त्याने जेवण केले. त्यानंतर सर्व मंडळी वसतिगृहाच्या गच्चीवर गेली. मध्यरात्री गप्पा आटोपून इतर विद्यार्थी आपापल्या खोल्यांमध्ये परतले. रोहित मात्र एकटा गच्चीवरच थांबला. अडीचच्या सुमारास रोहित खाली पडल्याची माहिती मिळताच सुरक्षा रक्षकांनी विद्यार्थ्यांच्या मदतीने त्याला नजिकच्या रुग्णालयात नेले; मात्र तत्पूर्वीच त्याचा मृत्यू झाला होता. घटनेबाबत पोलिस आणि आयआयटी प्रशासनाने रोहितच्या पालकांना कळवले असून रोहितच्या मित्रपरिवारकडे चौकशी सुरू केली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com