मुंबईत ढगाळ वातावरण पावसाने पाठ फिरवली, उष्मा जाणवला

मुंबईत ढगाळ वातावरण
पावसाने पाठ फिरवली, उष्मा जाणवला
मुंबई, ता. २ : शहर आणि उपनगरात आज दिवसभर आकाश साधारणपणे ढगाळ राहिले; मात्र तुरळक सरींव्यतिरिक्त पावसाने पाठ फिरवली. वातावरणातील आर्द्रता वाढल्याने उष्मा अधिक जाणवला. हवामान विभागाने दिलेल्या माहितीनुसार, आजचे कमाल तापमान सुमारे ३२ अंश सेल्सिअस तर किमान तापमान २४ अंश सेल्सिअस इतके हाेते.
हवामान विभागाने पुढील २४ तासांसाठी वर्तवलेल्या अंदाजानुसार, पावसाचा फारसा जोर राहणार नसला, तरी ढगाळ वातावरण राहण्याचा अंदाज असून उकाडा अधिक जाणवण्याची शक्यता आहे. या पार्श्वभूमीवर हवामान खात्याने नागरिकांनी बाहेर पडताना आवश्यक ती काळजी घ्यावी, असा सल्ला दिला आहे.