दादर कबुतरखान्याभोवती कुंपण

दादर कबुतरखान्याभोवती कुंपण

Published on

दादर कबुतरखान्याभोवती कुंपण
पालिकेची कारवाई; वीजपुरवठाही खंडित

सकाळ वृत्तसेवा
मुंबई, ता. २ ः दादर येथील कबुतरखान्यावर कारवाईसाठी गेलेल्या पालिकेच्या पथकाला काल विरोध झाल्यानंतर पालिकेच्या पथकाने आज शनिवारी (ता. २) कबुतरखान्यावर धडक कारवाई केली. कबुतरखान्यातील धान्याची पोती जप्त केली आहेत. कबुतरखान्याभोवती जाळीचे कुंपण करण्यात आले आहे. तसेच तेथील वीजही कापण्यात आल्याची माहिती पालिकेच्या सूत्रांनी दिली.

राज्य सरकारने कबुतरखाने बंद करण्याचा निर्णय घेतल्यानंतर आता मुंबई पालिकेकडूनही कबुतरखाने बंद करण्याच्या हालचाली सुरू झाल्या आहेत. दादरच्या कबुतरखान्यातील एक खोली तोडण्यात आल्यानंतर त्या ठिकाणी असणारी धान्याची पोती पालिकेने जप्त केली आहेत. कबुतरखान्याभोवती बांबू बांधून त्या ठिकाणी जाळी टाकण्याचे काम पूर्ण झाल्याची माहिती पालिकेतील सूत्रांनी दिली.

दादरमधील ऐतिहासिक कबुतरखाना हटवण्यासाठी शुक्रवारी (ता. १) मध्यरात्री महापालिकेचे पथक दाखल झाले होते. स्थानिक नागरिकांच्या तीव्र विरोधामुळे ही कारवाई अपूर्ण राहिली. स्थानिक नागरिकांनी गोंधळ घातल्यानंतर परिसरात तणाव निर्माण झाला होता. अखेर पोलिस बंदोबस्त असूनही पालिका पथकाला कारवाई न करता माघारी फिरावे लागले होते.
............
कबुतरखाना वरळी किंवा प्रभादेवीत स्थलांतरित?
कबुतरांची संख्या वाढल्याने येथील घरांच्या खिडक्या, गॅलरींमध्ये कबुतरांचा वावर वाढला होता. कबुतरांच्या विष्ठा आणि पिसांमुळे आरोग्याच्या समस्या निर्माण होऊ लागल्या होता. त्यामुळे मनसेने या कबुतरखान्याच्या विरोधात आवाज उठवला होता. मनसेकडून २०१७ पासून हा कबुतरखाना हटवण्यासाठी मागणी केली जात आहे. हा कबुतरखाना प्रभादेवीतील कीर्ती महाविद्यालय परिसर किंवा वरळीतील मोकळ्या जागेत हलविण्याचा विचार सुरू असल्याचे सांगण्यात आले.
.............

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com