आयटीआय प्रवेशाची आजपासून चौथी फेरी

आयटीआय प्रवेशाची
आजपासून चौथी फेरी
अद्यापही प्रवेशाविना ७२ हजार ९३ जागा रिक्त
मुंबई, ता. ३ : व्यवसाय शिक्षण व प्रशिक्षण संचालनालयांतर्गत येणाऱ्या राज्यातील शासकीय आणि खासगी आयटीआयमधील विविध ट्रेडच्या प्रवेशाची तिसरी फेरी पूर्ण झाली आहे. या फेरीत असलेल्या ३८ हजार ४०७ जागांपैकी १२ हजार २१९ जागांवर ३४.४२ टक्के प्रवेश पूर्ण झाले असून चौथ्या फेरीतील प्रवेश ६ ते १० ऑगस्टदरम्यान केले जाणार आहेत.
राज्यात शासकीय ४१९ आणि खासगी संस्थांकडून चालविल्या जाणाऱ्या ५८८ अशा १,००७ आयटीआय असून यात विविध ट्रेडच्या प्रवेशासाठी एक लाख ४७ हजार ६१२ प्रवेशाच्या जागा उपलब्ध आहेत. या जागांवर पहिल्या फेरीत एकूण ४२ हजार ४९ जागांवर प्रवेश झाले तर दुसऱ्या फेरीत २० हजार २५१ आणि तिसऱ्या फेरीदरम्यान १३ हजार २१९ जागांवर असे ७५ हजार ५१९ जागांवर प्रवेश झाले आहेत. अद्याप ७२ हजार ९३ जागा रिक्त राहिल्या आहेत.
...
सरकारी आयटीआयमधील स्थिती
तिसऱ्या फेरीत सरकारी आयटीआयमध्ये असलेल्या ३२ हजार २९१ जागांपैकी १० हजार ४८५ जागांवर (३२.४७ टक्के) तर खासगी आयटीआयमध्ये असलेल्या सहा हजार ११६ पैकी तीन हजार ७३३ (४४.६९ टक्के) जागांवर प्रवेश झाले आहेत.
---