साईनगर शिर्डी काकीनाडा पोर्ट एक्सप्रेस नव्या रूपात

साईनगर शिर्डी- काकीनाडा
पोर्ट एक्स्प्रेस नव्या रूपात
तीन वातानुकूलित शयनयान डब्यांचा समावेश
सकाळ वृत्तसेवा
मुंबई, ता. ५ : साईनगर शिर्डी- काकीनाडा पोर्ट एक्स्प्रेस नव्या आणि सुधारित संरचनेसह धावणार आहे. या नव्या रचनेत तीन वातानुकूलित शयनयान श्रेणींबरोबरच तृतीय इकॉनॉमी आणि सामान्य डब्यांचाही समावेश करण्यात आला आहे. प्रवाशांच्या सोयीसाठी रेल्वे प्रशासनाने ही सुधारणा केली असून, अधिक आरामदायी प्रवासाची सुविधा मिळणार आहे.
एक्स्प्रेसला एक प्रथम वातानुकूलित डबा, दोन द्वितीय वातानुकूलित, चार तृतीय वातानुकूलित, दोन तृतीय इकॉनॉमी, पाच शयनयान, चार सामान्य द्वितीय श्रेणीचे डबे, एक द्वितीय आसन व्यवस्था व सामान गार्ड ब्रेक व्हॅन आणि एक जनरेटर कार अशी सुधारित रचना असणार आहे. ट्रेन क्रमांक १७२०५ साईनगर शिर्डी- काकीनाडा पोर्ट एक्स्प्रेस ही १४ ऑक्टोबर २०२५ पासून सुधारित संरचनेसह शिर्डीहून रवाना होईल, तर ट्रेन क्रमांक १७२०६ काकीनाडा पोर्ट- साईनगर शिर्डी एक्स्प्रेस ही १३ ऑक्टोबर २०२५ पासून काकीनाडा पोर्टहून धावेल.