म्हाडाची घरे लाटणाऱ्या १५ जणांवर गुन्हा

म्हाडाची घरे लाटणाऱ्या १५ जणांवर गुन्हा
मुंबई, ता. ५ : पायधुनी येथील निष्कासित केलेल्या जुन्या उपकरप्राप्त इमारतींमधील रहिवासी नसलेल्या सुमारे १५ जणांनी बनावट कागदपत्रांआधारे म्हाडाच्या मास्टर लिस्टमध्ये आपले नाव घुसवले आणि पुनर्बांधणीतील इमारतीत घरे लाटल्याचा प्रकार उघडकीस आला. याप्रकरणी म्हाडाच्या मिळकत व्यवस्थापक अवधूत बेळणेकर यांनी दिलेल्या तक्रारीआधारे खेरवाडी पोलिसांनी गुन्हा नोंदवून तपास सुरू केला आहे.
पायधुनीच्या नरसीनाथा स्ट्रीट, सॅम्युअल स्ट्रीट येथील इमारती म्हाडाने निष्कासित केल्या होत्या. पुनर्बांधणीनंतर केल्यानंतर ६३ मूळ रहिवाशांव्यतिरिक्त बोगस रहिवाशांना घरे मंजूर झाल्याचे पडताळणीत म्हाडाच्या लक्षात आले. प्रक्रिया, मूळ कागदपत्रे पुन्हा तपासण्यात आली तेव्हा मास्टर लिस्टमध्ये रहिवासी नसलेल्या १५ जणांची नावे आढळली. त्यांनी सादर केलेली कागदपत्रे बोगस आढळली.