समन्वय समितीची पोलिस आयुक्तांसोबत बैठक

समन्वय समितीची पोलिस आयुक्तांसोबत बैठक

मुंबई : गणेशोत्सव २०२५च्या पार्श्वभूमीवर बृहन्मुंबई सार्वजनिक गणेशोत्सव समन्वय समितीने बुधवारी (ता. ६) पोलिस आयुक्त देवेन भारती यांची भेट घेतली. या बैठकीत परवाने, वाहतूक, विसर्जन व्यवस्था, सुरक्षा आणि ध्वनी परवानगी याबाबत चर्चा करण्यात आली. महापालिकेच्या ऑनलाइन परवाना नूतनीकरण प्रक्रियेस पोलिस आणि वाहतूक विभाग लवकर मंजुरी देतील, असे आश्वासन देण्यात आले. २९ ऑगस्टच्या मराठा मोर्च्यामुळे होणाऱ्या गर्दीच्या पार्श्वभूमीवर विशेष नियोजन गरजेचे असल्याचे या वेळी सांगण्यात आले. मार्वे मार्गावरील नव्या पुलाचा विसर्जनासाठी वापर, सीसीटीव्ही सुरू करणे, बेवारस वाहने हटवणे, सुरक्षेसाठी गणसेवकांना सूचना देणे आणि विसर्जन स्थळी अतिरिक्त क्रेन व जलसुरक्षा यंत्रणा वाढवण्यावर चर्चा झाली. ध्वनी परवाना तारखेत झालेल्या चुकांबाबत दुरुस्ती करण्याची विनंतीही समितीने केली.