गणेश मंडळांना वीजजोडणीचे आवाहन

गणेश मंडळांना वीजजोडणीचे आवाहन

मुंबई, ता. ७ : गणेशोत्सवासाठी सार्वजनिक गणेश मंडळांना तात्पुरत्या वीज जोडणीसाठी अर्ज करण्याचे आवाहन बेस्ट उपक्रमाकडून करण्यात आले आहे. अर्ज www.bestundertaking.com या संकेतस्थळावर ऑनलाइन भरून, त्याची प्रिंटआऊट संबंधित ग्राहक सेवा केंद्रात सादर करावी, असे आव्हान बेस्ट कडून करण्यात आले आहे.
अर्जासोबत मंडळाची माहिती, बँक तपशील, परवानाधारकाचे प्रमाणपत्र, विद्युत ठेकेदाराचा चाचणी अहवाल, पालिकेचे ना-हरकत प्रमाणपत्र व पोलिस परवानगी जोडणे आवश्यक आहे. अर्ज नोंदणी, जोडणी व मीटरसाठी ठरावीक शुल्क आणि अनामत रक्कम आकारली जाईल. वीज दर महाराष्ट्र विद्युत नियामक आयोगाच्या २०२५-२६ दरपत्रकानुसार आकारले जातील. अधिक माहितीसाठी संबंधित सेवा केंद्राशी संपर्क साधावा, असे आवाहन करण्यात आले आहे.