मॅट्रीमोनी साईटद्वारे विवाहितेस गंडा

मॅट्रिमोनी साईटद्वारे विवाहितेस गंडा
मुंबई, ता. ७ : मुंबई पश्चिम उपनगरांत राहणाऱ्या ४८ वर्षीय विवाहितेस मॅट्रिमोनी साईटवरून अनोळखी व्यक्तीसोबत मैत्री करणे चांगलेच महागात पडले. अमेरिकन कंपनीमार्फत गाझापट्टी येथे वैद्यकीय सेवा पुरवत असल्याचे भासवून स्वतःचे नाव डॉ. मोहित गुप्ता असे सांगणाऱ्या भामट्याने महिलेस सहा लाखांचा गंडा घातला. व्हिसा, तिकिटाचे कारण देऊन या व्यक्तीने पैसे घेतले. त्याने आणखी पैशांची मागणी केली तेव्हा महिलेने ‘तुमचे भारतात नातेवाईक नाहीत का?’ असे विचारले असता, तो उडवाउडवीची उत्तरे देऊ लागला. यानंतर महिलेने तातडीने पोलिस ठाण्यात या प्रकरणाची तक्रार केली.