मुंबई पोलिस दलात फेरबदल

मुंबई पोलिस दलात मोठे फेरबदल

मुंबई : पोलिस आयुक्तालयातील सहाय्यक आयुक्त, वरिष्ठ पोलिस निरीक्षक आणि निरीक्षकांच्या बढत्या, अंतर्गत बदल्या करत पोलिस आयुक्त देवेन भारती यांनी मोठ्या प्रमाणात फेरबदल केले. यामध्ये १०० निरीक्षकांना शनिवारी (ता. ९) वरिष्ठ पोलिस निरीक्षकपदी बढती देण्यात आली. २८ वरिष्ठ निरीक्षकांची बदली करण्यात आली. ४९ वरिष्ठ निरीक्षकांना सहाय्यक आयुक्तपदी पदोन्नती देण्यात आली. तर चार सहाय्यक आयुक्तांची बदली करण्यात आली. यातील काळाचौकी पोलिस ठाण्याचे वरिष्ठ निरीक्षक मनीष श्रीधनकर यांची गणेशोत्सवाच्या तोंडावर करण्यात आलेल्या बदलीने अनेकांच्या भुवया उंचावल्या आहेत. लालबागचा राजा, गणेश गल्लीसह अन्य मोठी, महत्त्वाची अनेक मंडळे या पोलिस ठाण्याच्या अंतर्गत येतात.