बहिणीच्या स्टेम सेलने भावाला जीवदान

बहिणीच्या स्टेम सेलने
भावाला मिळाले जीवदान
मुंबई, ता. १० : कॉमन व्हेरिअबल इम्यून डेफिशियन्सी (सीव्हीआयडी) या दुर्मिळ आजारासह ११ वर्षीय मुलाला बालपणापासून विविध संसर्गांचा सामना करावा लागत होता. त्याच्या फुप्फुसावरही गंभीर परिणाम झाला होता. या आजारावर एकमेव उपचार होता, तो म्हणजे बोनमॅरो ट्रान्सप्लान्ट. त्यासाठी रुग्णाच्या बहिणीनेच स्टेम सेल दान करून आपल्या भावाला जीवदान दिले. रुग्णावर उपचार करण्यासासाठी स्टेम सेलची आवश्यकता असताना, बहिणीचे एचएलए अगदी १०० टक्के जुळले. वैद्यकीय क्षेत्रात हीदेखील दुर्मिळ बाब होती. आपल्‍या वयोमानाचा विचार न करता तिने भावासाठी स्‍टेम सेल (मूळ पेशी) दान केल्या. सहा महिन्यांनंतर आता रुग्णाच्या प्रकृतीत सुधारणा झाली आहे. त्याच्यावर सीनियर कन्सल्टंट पेडियाट्रिक ऑन्कोलॉजी डॉ. चिंतन व्यास  यांनी उपचार केले.