हास्यकलाकार कपिल शर्माला सुरक्षा

हास्यकलाकार कपिल शर्माला सुरक्षा

कॅनडातील हॉटेलवर दुसऱ्यांदा गोळीबार

मुंबई, ता. ११ : कॅनडा येथील नव्याने सुरू केलेल्या कॅफेवर दुसऱ्यांदा गोळीबार झाल्यानंतर मुंबई पोलिसांनी हास्यकलाकार कपिल शर्मा याला सुरक्षा पुरवली आहे. पोलिस दलातील वरिष्ठ अधिकाऱ्याने या वृत्तास दुजोरा दिला; मात्र अधिक माहिती देण्यास नकार दिला.

कपिलने कॅनडातील सरै भागात कॅप्स कॅफे नावाचे हॉटेल सुरू केले आहे. या हॉटेलवर १० जुलैला प्रथम गोळीबार करण्यात आला. त्यानंतर पुन्हा ८ ऑगस्टलाही गाेळीबार करण्यात आला. ही घटना गांभीर्याने घेऊन मुंबई पोलिसांनी ओशिवरा येथील निवासस्थानी कपिलची भेट घेऊन त्याच्या सुरक्षेचा आढावा घेतला. गोळीबारानंतर त्याला कोणाची धमकी आली आहे का, याबाबत विचारपूस करण्यात आली. त्यानंतर कपिलला सुरक्षा पुरविण्याचा निर्णय घेण्यात आला.