निवडणुकीच्या कामास आरोग्य सेविकांचा नकार

निवडणुकीच्या कामास आरोग्यसेविकांचा नकार

सकाळ वृत्तसेवा
मुंबई, ता. १२ ः मुंबईतील तीन हजार आरोग्यसेविकांनी निवडणुकीचे काम नाकारण्याचा निर्णय घेतला आहे. तसे निवेदन पालिका आयुक्त भूषण गगराणी यांना दिले आहे.
आरोग्यसेविका पालिकेच्या कामगार नाहीत असे आयुक्त म्हणतात, तर दुसऱ्या बाजूला निवडणुकीचे काम केले नाही तर कारवाई कारणार, असे निवडणूक आयोग म्हणतो. केंद्र, राज्य सरकार किंवा स्थानिक स्वराज्य संस्थांच्या कर्मचाऱ्यांनाच निवडणुकीचे काम करण्यासाठी नेमण्यात येते. मुंबई उच्च न्यायालयाने आरोग्यसेविका या मुंबई पालिकेच्या कर्मचारी आहेत, असा निर्णय दिला. त्यासंदर्भात मुंबई पालिकेने सर्वोच्च न्यायालयात अपील दाखल केले. म्हणजेच आरोग्यसेविकांना आयुक्त पालिकेचे कर्मचारी मानत नाहीत. मग आयुक्त त्यांच्यावर कारवाई कशी करणार, असा सवाल कामगार नेते ॲड. प्रकाश देवदास यांनी म्हटले आहे. तीन हजार आरोग्यसेविकांपैकी बहुसंख्य राजकीय पक्षाच्या कार्यकर्त्या आहेत. मुंबई पालिका अधिकारी आरोग्यसेविकांवर जबरदस्तीने निवडणुकीचे काम करण्यासाठी नेमणूक पत्र घेण्यासाठी पालिका जबरदस्ती करीत आहेत. त्याविरुद्ध संघटना मुंबई उच्च न्यायालयात याचिका दाखल करणार असल्याचे देवदास यांनी म्हटले आहे.