१.१५ कोटींचे कोकेन जप्त

१.१५ कोटींचे कोकेन जप्त
मुंबई, ता. १३ ः एमआयडीसी पोलिसांनी सोमवारी (ता. ११) आफ्रिकन तरुणास अटक करून सुमारे १.१५ कोटी रुपयांचे कोकेन जप्त केले. परदेशी तरुण अमली पदार्थ विक्रीसाठी मरोळ, साळवे नगर येथे येणार असल्याची गोपनीय माहिती पोलिस पथकास प्राप्त झाली होती. त्यानुसार सापळा रचून हेन्री अल्मोह (३४) या घाणा देशाचा नागरिक असलेल्या तरुणास अटक करण्यात आली. त्याच्याकडे २८७.८० ग्रॅम कोकेन आणि दोन महागडे मोबाईल सापडले.