गोकुळाष्टमीनिमित्त वाहतुकीत बदल

गोकुळाष्टमीनिमित्त वाहतुकीत बदल
जुहू, विलेपार्लेत गर्दी होणार असल्याने निर्णय
सकाळ वृत्तसेवा
मुंबई, ता. १३ : गोकुळाष्टमीच्या निमित्ताने १५ व १६ ऑगस्ट ‘हरे राम हरे कृष्ण मंदिर (इस्कॉन)’, जुहू, विलेपार्ले (पश्चिम), मुंबई येथे मोठ्या प्रमाणावर भाविकांची गर्दी होण्याची शक्यता आहे. या पार्श्वभूमीवर सांताक्रूझ वाहतूक विभाग हद्दीत खालील विशेष वाहतूक व्यवस्था करण्यात आली आहे. १५ ऑगस्ट रोजी सायंकाळी ४ पासून ते १६ ऑगस्ट रोजी पहाटे २ वाजेपर्यंत तसेच दुपारी ४.३० वाजल्यापासून ते १७ ऑगस्ट रोजी पहाटे २ वाजेपर्यंत हे वाहतुकीत बदल करण्यात येणार आहेत. भाविक व नागरिकांनी वाहतूक पोलिसांनी दिलेल्या सूचनांचे पालन करून सहकार्य करावे तसेच पर्यायी मार्गाचा वापर करून होणारा त्रास टाळावा, असे आवाहन केले आहे.
====
१. नो पार्किंग
खालील रस्त्यांवर सर्व प्रकारच्या वाहनांचे पार्किंग बंद राहील.
जनार्दन म्हात्रे रोड
मुक्तेश्वर देवालय मार्ग
जुहू चर्च रोड
गांधीग्राम रोड
अल्फ्रेड क्रीडो रोड
संत ज्ञानेश्वर मार्ग
श्यामराव परुळेकर मार्ग (एन.एस. रोड क्र. १३)
बलराज साहनी रोड
ए.बी. नायर रोड
देवळे रोड (मिलिटरी रोड)
-------------------------------
२. प्रवेशबंदी
चांडोक चौक ते मुक्तेश्वर देवालय मार्ग (उत्तर ते दक्षिण) केवळ आपत्कालीन सेवा, व्हीव्हीआयपी वाहने, मंदिर पासधारक व स्थानिक रहिवासी यांना परवानगी.
अल्फ्रेड क्रीडो रोड ते मुक्तेश्वर देवालय मार्ग (दक्षिण ते उत्तर) - सर्व वाहनांसाठी बंद.
श्यामराव परुळेकर मार्ग (एन.एस. रोड क्र. १३) ते संत ज्ञानेश्वर मार्ग सर्व वाहनांसाठी बंद.
संत ज्ञानेश्वर मार्ग- देवळे रोड जंक्शन (पूर्व ते पश्चिम) सर्व वाहनांसाठी बंद.
--------------------------------------
३. एकमार्गी वाहतूक
मुक्तेश्वर देवालय मार्ग व देवळे रोड जंक्शन ते जेव्हीपीडी जंक्शन (पश्चिम ते पूर्व) एकमार्गी वाहतूक.
संत ज्ञानेश्वर मार्ग ते मुक्तेश्वर देवालय मार्ग एकमार्गी वाहतूक.