आज टिसध्ये ‘डेमोग्राफी इज डेस्टिनी’ चित्रपटाचे प्रदर्शन

‘टिस’मध्ये आज ‘डेमोग्राफी इज डेस्टिनी’ चित्रपटाचे प्रदर्शन
मुंबई, ता. १३ : भारताच्या फाळणी स्मृतिदिनानिमित्त १४ ऑगस्ट रोजी टाटा इन्स्टिट्यूट ऑफ सोशल सायन्सेस (टिस) येथे ‘डेमोग्राफी इज डेस्टिनी’ या माहितीपटाचे प्रदर्शन होणार आहे. या कार्यक्रमाला राष्ट्रीय स्वयंसेवक संघाचे अखिल भारतीय प्रचारप्रमुख सुनील आंबेकर प्रमुख पाहुणे म्हणून उपस्थित राहतील. टीआयएसएसचे कुलगुरू प्रा. बद्री नारायण तिवारी उपस्थित राहणार असल्याची माहिती टिस प्रशासनाकडून देण्यात आली.
लोकसभा निवडणुकीच्या पार्श्वभूमीवर टिसमध्ये मुंबईतील अल्पसंख्याक आणि बांगलादेशी नागरिकांच्या संदर्भात एक अहवाल सादर करण्यात आला होता. त्यानंतर आता टिसमध्ये पहिल्यांदाच फाळणीसंदर्भात माहितीपट दाखवला जाणार आहे.
राष्ट्रीय पुरस्कार विजेते दिग्दर्शक कामाख्या नारायण सिंग दिग्दर्शित आणि रवींद्र सांगवी निर्मित हा माहितीपट भारतातील लोकसंख्याशास्त्रीय प्रवृत्ती, धार्मिक रचनेतील बदल आणि त्यातून उद्भवणाऱ्या सामाजिक-राजकीय परिणामांचा अभ्यास करतो. ऐतिहासिक आकडेवारी व प्रादेशिक उदाहरणांच्या आधारे बहुसंख्य समुदायाचे प्रमाण घटल्याचे आणि अल्पसंख्याकांचे प्रमाण वाढल्याचे यात दाखवले आहे.