मुंबईत मुसळधार सरींचा इशारा

मुंबईत मुसळधार
सरींचा इशारा
मुंबई : सकाळपासूनच मुंबई आणि उपनगरांत पावसाने समाधानकारक हजेरी लावली आहे. कधी हलक्या तर कधी मुसळधार सरींचा खेळ सुरू आहे. गुरुवारी रात्री आणि सकाळच्या सत्रात चांगला पाऊस झाला. हवामान खात्याने पावसाचा जोर पुढील काही दिवस वाढणार असल्याचा अंदाज वर्तविला आहे.
बुधवारी रात्रीपासून पावसाने सुरुवात केल्याने तापमानात घट होऊन हवेत गारवा पसरला. ढगाळ वातावरणामुळे उकाड्यापासून दिलासा मिळाला आहे.
हवामान विभागाच्या माहितीनुसार, महाराष्ट्रात पावसाचा जोर वाढणार आहे. बंगालच्या उपसागरात निर्माण झालेल्या कमी दाबाच्या पट्ट्यामुळे १९ ऑगस्टपर्यंत महाराष्ट्रात पावसाची तीव्रता वाढणार आहे. कोकण आणि घाटमाथा भागात काही ठिकाणी अतिवृष्टीची शक्यता आहे, तर मराठवाड्यात १५ ऑगस्टपर्यंत जोरदार सरी कोसळतील. या काळात विजांच्या कडकडाटासह ४० ते ५० किमी प्रतितास वेगाने वारे वाहण्याची शक्यता आहे. त्यामुळे मच्छीमारांना हवामान विभागाने सतर्कतेचा इशारा दिला आहे.
......