विमानतळावर तपासणीसाठी लवकर या!

विमानतळावर तपासणीसाठी
लवकर या!
सकाळ वृत्तसेवा
स्वातंत्र्यदिनानिमित्त देशभरातील विमानतळांवर कडेकोट सुरक्षा व्यवस्था ठेवण्यात आली आहे. यामुळे विमान कंपन्यांनी प्रवाशांना नियोजित वेळेच्या खूप आधी विमानतळावर पोहोचण्याचे आवाहन केले आहे. वाढीव तपासणीमुळे चेक-इन आणि बोर्डिंगसाठी नेहमीपेक्षा जास्त वेळ लागू शकतो, असे कंपन्यांनी स्पष्ट केले आहे.
स्पाइसजेट आणि अकासा एअर यांनी प्रवाशांना विमानाचे उड्डाण होण्याच्या किमान एक तास आधी चेक-इन काउंटर बंद होणार असल्याची माहिती दिली आहे. अकासाने दाेन तास ५० मिनिटे आधी काउंटरवर उपस्थित राहण्याचे आदेश दिले आहेत. इंडिगो आणि एअर इंडिया यांनीही प्रवाशांना वेळेचे नियोजन करून लवकर विमानतळावर पोहोचण्याची विनंती केली आहे, जेणेकरून तपासणी प्रक्रियेसाठी पुरेसा वेळ मिळेल. प्रवाशांनी आपले ओळखपत्र आणि इतर आवश्यक कागदपत्रे तयार ठेवावीत, असे आवाहन करण्यात आले आहे. या सूचनांचे पालन करून प्रवाशांनी सहकार्य करावे. त्यामुळे गैरसोय टळेल, असे विमान कंपन्यांचे म्हणणे आहे.