उच्च सुरक्षा क्रमांक पाटीसाठी मुदतवाढ

उच्च सुरक्षा क्रमांक
पाटीसाठी मुदतवाढ
सकाळ वृत्तसेवा
मुंबई, ता. १४ : देशभरातील वाहन उत्पादक कंपन्यांना १ एप्रिल २०१९ पासून नवीन वाहनांना नाेंदणीकृत उच्च सुरक्षा क्रमांक पाटी बंधनकारक केली हाेती. या पाट्या बसवण्यासाठी जुन्या वाहनांना १५ ऑगस्ट २०२५ पर्यंत मुदत देण्यात आली होती. याला वाहनमालकांकडून अल्प प्रतिसाद मिळाल्याने आता उच्च सुरक्षा क्रमांक पाटी बसवण्यासाठी ३० नोव्हेंबर २०२५पर्यंत अंतिम मुदतवाढ देण्यात आली आहे. 
वाहनमालकांनी वाहनांवर उच्च सुरक्षा नोंदणी क्रमांक (एचएसआरपी) बसविण्यासाठी परिवहन विभागाच्या http://transport.maharashtra.gov.in या संकेतस्थळावर जाऊन उच्च सुरक्षा नोंदणी क्रमांक पाटी बसविण्याकरिता ३० नोव्हेंबर २०२५ पर्यंत वेळ घ्यावी. त्यानंतर उच्च सुरक्षा नोंदणी क्रमांक पाटी न बसविणाऱ्या वाहनांवर १ डिसेंबर २०२५ नंतर वायुवेग पथकाद्वारे नियमांनुसार कारवाई करण्यात येणार आहे, असे सहपरिवहन आयुक्त शैलेश कामत यांनी सांगितले.